ang.Daa_ii bhii vo lene na paa_e uThaa ke haath
dekhaa mujhe to chho.D diye muskaraa ke haath
ang.Daa_ii bhii vo lene ...

baato.n me.n aise ho gaye madhahosh dekhiye
afasaanaa Gair kaa vo samajh kar sunaa kiye
aayaa jo meraa naam to bas uTh ke chal diye
jhu.njhalaa ke, taish khaa ke, biga.D ke, chhu.Daa ke haath
ang.Daa_ii bhii vo len_e ...

paradaa thaa par naqaab se kuchh husn chhin pa.Daa
bekal hu_e to rah gayaa sab baa.Nkapan pa.Daa
shikavo.n kaa jab javaab na kuchh unase ban pa.Daa
garadan me.n merii Daal diye muskaraa ke haath
ang.Daa_ii bhii vo len_e ...

saaqii ko samajhe, ye nahii.n har aadamii kaa kaam
naqshab ko kis adaa se inaayat kiyaa thaa jaam
denaa kisii kaa saaGar-e-may yaad hai nizaam
mu.Nh pher kar udhar ko, idhar ko ba.Dhaa ke haath
ang.Daa_ii bhii vo len_e ...