chiraaG dil ke jalaao ki iid kaa din hai
taraane jhuum ke gaao ki iid kaa din hai

Gamo.n ko dil se bhulaao ki iid kaa din hai
Kushii se bazm sajaao ki iid kaa din hai
taraane jhuum ke gaao ki iid kaa din hai

huzuur us ke karo ab salaamatii kii duaa
sar-e-niyaaz jhukaao ki iid kaa din hai
taraane jhuum ke gaao ki iid kaa din hai

sabhii muraade.n ho puurii.n har ek savaalii kii
duaa ko haath uThaao ki iid kaa din hai
taraane jhuum ke gaao ki iid kaa din hai