karataa nahii.n kyo.n duusaraa kuchh baat chiit
dekhataa huu.N mai.n jise vo chup terii mahafil me.n hai

sarafaroshii kii tamannaa ab hamaare dil me.n hai
dekhanaa hai zor kitanaa baazu-e-qaatil me.n hai

vaqt aane par bataa de.nge tujhe o aasamaa.N
ham abhii se kyaa bataaye.n kyaa hamaare dil me.n hai

khai.nch kar laayii hai qatl hone kii ummiid
aashiqo.n kaa aaj jamaghaT kuuchaa-e-qaatil me.n hai