sur sa.ngiit kii jogan ban ke
giit mai.n gaauu.N galii galii
galii galii
apane dil ke aramaano.n kaa
ra.ng sajaa_uu.N galii galii
galii galii ...

sur sa.ngiit hai jiivan meraa
mai.n dharatii ye saavan meraa
apane rasiile giito.n kaa mai.n
ras barasaa_uu.N galii galii
galii galii ...

aaj talaq jo kuchh paayaa hai
ye fan meraa saramaayaa hai
jab tak dam hai aavaazo.n ke
phuul khilaa_uu.N galii galii
galii galii ...

mai.n kyaa merii hastii kyaa hai
sab mere pyaaro.n kii duaa hai
mai.n apane pyaaro.n kii Kaatir
sur bikharaa_uu.N galii galii
galii galii ...