unhe.n bhii raaz-e-ulfat kii naa hone dii Kabar mai.n ne
nazar mil bhii ga_ii to Kud bachaa lii hai nazar mai.n ne

qadam jab mai.n ne rakhaa raah-e-ulfat me.n to duniyaa ne
mujhe aavaaz dii lekin naa dekhaa chau.nk kar mai.n ne

bhalaa Gairo.n se kyaa matalab jo mai.n un se gila karataa
shikaayat tum se kii hai tum ko apanaa jaan kar mai.n ne

kahaa.N mai.n aur kahaa.N dair-o-haram kii kash_makash naKshaab
kisii ke naqsh-e-paa par rakh diyaa jab aaj sar mai.n ne