%

zamii.n bhii vahii hai, vahii aasamaa.N
magar ab wo dillii kii galiyaa.N kahaa.N

yahaa.N par Thikaanaa kisii kaa nahii.n
ye zaalim zamaanaa kisii kaa nahii.n
yahaa.N luT ga_e kitane hii kaarawaan
kahaa.N hai.n vo dillii kii galiyaa.N kahaa.N

vo ulfat nigaaho.n me.n baaqii nahii.n
vo mahafil nahii.n hai vo saathii nahii.n
hu_ii ba.nd inasaaniyat kii zubaa.N
ilaahii vo dillii kii galiyaa.N kahaa.N

gayaa mausam-e-gul bahaaro.n ke saath
vo duniyaa ga_ii taajadaaro.n ke saath
zamaanaa gayaa rah ga_ii daastaa.N
vo dillii, vo dillii kii galiyaa.N kahaa.N -3