terii talaash  mujh ko laaii kahaa.n kahaa.n se
sun le meraa fasaanaa ab to merii zubaa.N se
mai.n ne vahii.n vahii.n par sajade kiye hai.n tujhako
zulfo.n ko tuu u.Daatii guzarii jahaa.n jahaa.n se

iraan ham ne dekhaa, dekhaa hai chiin ham ne
lekin kahii.n naa dekhaa tujh saa hasiin ham ne
koii bhii jab na payaa tere muqabale kaa
awaaz tujh ko dii hai o naazaniin ham ne

o yaar zulfo.n vaale diladaar zulfo.n vaale
zulfo.n ne mujhako maaraa Kamdaar zulfo.n vaale

zubaan-e-yaar-man turkii, naa man turkii namii daanam
namii daanam, namii daanam, namii daanam o_ae
zubaan-e-yaar-man turkii

o bevafaa hasiinaa hatho.n me.n haath le-le
kaam aaegaa ye tere diivaanaa saath le-le
diivaanaa koii mujh saa tujh ko nahii.n mile gaa
chaae to ik nazar me.n kul kaaynaat le-le
o yaar zulfo.n vaale diladaar zulfo.n vaale
zulfo.n ne mujhako maaraa Kamdaar zulfo.n vaale
zubaan-e-yaar-man turkii-

mastii me.n har qadam par gir kar teraa sa.nbhalanaa
bal khaanaa ba.nkapan se zulfo.n kaa ye machalanaa
mai.n to har ik adaa ko aa.Nkho.n se chuum luu.N gaa
duniyaa buhat burii hai duniyaa se bachake chalanaa
o yaar zulfo.n vaale diladaar zulfo.n vaale
zulfo.n ne mujhako maaraa Kamdaar zulfo.n vaale
zubaan-e-yaar-man turkii-

terii zubaa.n judaa hai merii zubaa.n judaa hai
par dil ko kayaa karuu.n me.n dil tujh pe aa gayaa hai
ik ishq hai ki jisakaa mazahab nahii.n hai koii
har rang aashaqii me.n ik rang ho gayaa hai
o yaar zulfo.n vaale diladaar zulfo.n vaale
zulfo.n ne mujhako maaraa Kamdaar zulfo.n vaale
diladaar zulfo.n vaale
zubaan-e-yaar-man turkii-