madabharii ye hawaae.N paas aae.N
naam lekar mujhako ye bulaae.N
madabharii ye hawaae.N ...

mai.nne raato.n se kar lii dostii taaro.n ke liye
aur churaake liyaa mai.nne ye din bahaaro.n ke liye
ai zamii.n aasamaa.N mujhako do duaae.N
madabharii ye hawaae.N ...

mai.nne laharo.n kii baa.Nhe.n thaamakar Dhuu.NDhe hai.n bha.Nvar
saahilo.n pe kisii ajanabii kii talaashii hai Dagar
kaash lekar use lahare.n lauT aae.N
madabharii ye hawaae.N ...

meraa aa.Nchal paka.D_ke pyaar se kahatii hai havaa
chal jidhar mai.n chaluu.N, jaa milegaa unhii.n se raastaa
jinase ma.nzil mile unase jo.D raahe.n
madabharii ye hawaae.N ...