chaa.Ndanii raat me.n, ek baar tujhe dekhaa hai
Kud pe itaraate hue, Kud se sharmaate hue
chaa.Ndanii raat me.n ...

niile ambar pe kahii.N jhuule me.n
saat ra.Ngo.n ke hasiin jhuule me.n
naaz-o-a.ndaaz se laharaate hue
Kud pe itaraate hue, Kud se sharmaate hue
ek baar tujhe dekhaa hai ...

jaagatii thii leke saahil pe kahii.n
leke haatho.n me.n koii saaz-e-hasii.n
ek ra.Ngii.n Gazal gaate hue
phuul barasaate hue, pyaar chhalakaate hue
ek baar tujhe dekhaa hai ...

khulake bikhare jo mahakate gesu
ghul ga_ii jaise havaa me.n Kushabuu
merii har saa.Ns to mahakaate hue
Kud pe itaraate hue, Kud se sharmaate hue
ek baar tujhe dekhaa hai ...

tuune chahare pe jhukaayaa chaharaa
mai.nne haatho.n se chhupaayaa chaharaa
laaj se sharm se ghabaraate hue
phuul barasaate hue, pyaar chhalakaate hue
ek baar tujhe dekhaa hai ...