shaam-e-firaaq ab na puuchh aa_ii aur aa ke Tal ga_ii
dil thaa ke phir bahal gyaa jaa.N thii ke phir sambhal ga_ii

bazam-e-Kyaal me.n tere husn kii shamaa jal ga_ii
dard kaa chaa.Nd bhuj gyaa hijr kii raat Dhal ga_ii

jab tujhe yaad kar liyaa subah mahak mahak uThii
jab teraa Gam jagaa liyaa raat machal machal gaii

dil se to har muaamalaa kar ke chale the saaf ham
kahane me.n unake saamane baat badal badal ga_ii

aaKir-e-shab ke ham_safar #Faiz# na jaane kyaa hu_e
rah ga_ii kis jagah sabaa subah kidhar nikal ga_ii