chandan kii naiyyaa pe ho ke savaar gorii
karake sh^ringaar dekho chalii us paar, dekho chalii us paar

dil me.n uma.ng liye, akhiyo.n me.n ra.ng liye
nainaa jhukaaye chalii hai kahaa.N
haatho.n me.n haar le ke naino me.n pyaar le ke
gorii ke saajan kha.De hai.n jahaa.N
apane balamavaa kii sun ke pukaar gorii, karake sh^ringaar gorii...

duur nagar pii kaa, haal buraa jii kaa
rah-rah ke shor machaaye jiyaa
khel niraalaa khelaa, dil me.n lagaayaa melaa
pachhataaye ab gorii yah kyaa kiyaa
ha.Nsii-ha.Nsii me.n kaisii ho gayii haar gorii, karake sh^ringaar gorii...