# bhaag-1

mubaarak:
Daal dii mai.nne jal-thal me.n naiyaa
jaaganaa ho to jaago khivaiyaa -2

devataa tum ho meraa sahaaraa
mai.nne thaamaa hai daaman tumhaaraa -2
koras:
devataa tum ho ...

mubaarak:
thaam lo apanii raadhaa ko bhagavan
ruk na jaaye kahii.n dil kii dha.Dakan
ye na kahane lage koii birahan 
mu.Nh chhupaakar saa.Nvariyaa ne maaraa -2
devataa tum ho meraa sahaaraa ...

mere naino.n ko tum aise bhaaye
do gha.Dii mujhako ni.ndiyaa na aaye
merii aa.Nkho.n se aa.Nkhe.n la.Daaye 
Duubataa hai savere kaa taaraa -2
devataa tum ho meraa sahaaraa ...

# bhaag-2 (kewal film me.n)

devataa tum ho meraa sahaaraa
mai.nne thaamaa hai daaman tumhaaraa

mubaarak:
(ruuThakar muskuraate ho jab tum
ha.Nsake ba.nsii bajaate ho jab tum) -2
rafii:
jhuumakar gun_gunaate ho jab tum -2
mubaarak, rafii:
gun_gunaataa hai sa.nsaar saaraa
devataa tum ho meraa sahaaraa ...

rafii:
(mere aakaash par chhaa gaye tum
aap hii saamane aa gaye tum) -2
mubaarak:
mai.nne dekhaa to sharamaa gaye tum -2
mubaarak, rafii:
kaun jiitaa kaho kaun haaraa
devataa tum ho meraa sahaaraa ...

# bhaag-3

rafii:
rain bhaarii hai gaharaa a.Ndheraa
haath le lo tum haatho.n me.n meraa
rain bhaarii hai

(so gaye mandiro.n ke pujaarii
guu.Njatii hai muraliyaa tumhaarii) -2
aatmaa jhuumatii hai hamaarii
mubaarak:
dil khi.nchaa jaa rahaa hai hamaaraa -2
rafii, mubaarak:
devataa tum ho meraa sahaaraa ...

mubaarak:
chho.Dakar mai.n na bhagavan ko jaauu.N
raat bhar yuu.N hii jaaguu.N jagaauu.N
geet gaa-gaa ke rouu.N rulaauu.N
ye vachan luu.N ki mai.n huu.N tumhaaraa -2
rafii:
mai.n huu.N tumhaaraa ...