giitaayan An Interface to ISB

dil\-vil pyaar\-vyaar mai.n kyaa jaanuu.N re - Shagird (1967)  

Lyrics: Majrooh | Music: Laxmikant-Pyarelal | Singer(s): Lata 
View in Nagari (Hindi)
dil-vil pyaar-vyaar mai.n kyaa jaanuu.N re jaanuu.N to jaanuu.N bas itanaa jaanuu.N ki tujhe apanaa jaanuu.N re tuu hai buraa to hogaa par baato.n me.n terii ras hai jaisaa bhii hai mujhe kyaa apanaa lage to bas hai ghar ho teraa jis nagarii me.n chaahe jo ho teraa naam re ghar-var naam-vaam mai.n kyaa jaanuu.N re ... aadat nahii.n ki sochuu.N kitano.n me.n hasiin hai tuu laT me.n hai.n kitane ghuu.Nghar naino.n me.n kitanaa jaaduu bas tuu mohe achchhaa laage itane hii se mujh ko kaam re laT-vaT nai.n-vain mai.n kyaa jaanuu.N re ... kuchh jaanatii to kahatii rut ban kar ke mai.n khilii huu.N Daalo.n sii jhuumatii mai.n saajan se aa milii huu.N tuu hii jaane rut hai kaisii aur hai kitanii ra.Ngii.n shaam re rut-vut shaam-vaam mai.n kyaa jaanuu.N re ... paayaa hai jab se tujhako dil par nahii.n hai qaabuu ek pyaas hai labo.n par bikhare pa.De hai.n gesuu kuchh to kah de dard hai kaisaa, kaisii pyaas hai ye har gaam re lab-vab, pyaas-vyaas mai.n kyaa jaanuu.N re ...
View the source file of the song for comments and contributor information.

Home - Submit a Song - Recently Posted Songs


vinay p jain. march 2013. giitaayan at gmail dot com. Disclaimer. ISB Copyright Notice.