Gam uThaane ke liye mai.n to jiye jaauu.Ngaa
saa.Ns kii lay pe teraa naam liye jaauu.Ngaa

haay  tuune mujhe ulfat ke sivaa kuchh na diyaa
aur maine tujhe nafarat ke sivaa kuchh na diyaa
tujhase sharami.ndaa huu.N, ai merii vafaa kii devii
teraa mujarim huu.N musiibat ke sivaa kuchh na diyaa
Gam uThaane ke liye mai.n to jiye jaauu.Ngaa ...

tuu Kayaalo.n me.n merii ab bhii chalii aatii hai
apanii palako.n pe un ashko.n kaa janaazaa lekar
tuune nii.nde.n karii.n qurabaan merii raaho.n me.n
mai.n nashe me.n rahaa auro.n kaa sahaaraa lekar
Gam uThaane ke liye mai.n to jiye jaauu.Ngaa ...