guzare hai.n aaj ishq me.n ham us maqaam se
nafarat sii ho ga_ii hai muhabbat ke naam se

hamako na ye gumaan thaa, o sa.ngadil sanam
raah-e-vafaa se tere bahak jaae.nge qadam
chhalakegaa zahar bhii terii aa.Nkho.n ke jaam se

o bevafaa teraa bhii yuu.N hii TuuT jaae dil
tuu bhii ta.Dap-ta.Dap ke pukaare haay dil
teraa bhii saamanaa ho kabhii, Gam kii shaam se

ham vo nahii.n jo pyaar me.n rokar guzaar de.n
parachhaaI.n bhii ho terii to Thokar se maar de.n
vaaqif hai.n ham bhii Kuub har ek i.ntaqaam se