ilaahii kyaa ye shab-e-Gam hai umr bhar ke liye
mai.n kabase jaag rahaa huu.N bas ek sahar ke liye

dil agar unake dIdaar ko tarasataa hai
unhii ke Gam me.n lahU aa.Nkh se barasataa hai
shariiq-e-haal bane the jo umr bhar ke liye
mai.n kabase jaag rahaa huu.N bas ek sahar ke liye

mere hii dam se thii aabaad rahaguzar unakii
merii taraf nahii.n uThatii hai ab nazar unakii
jahaa.N ko chho.D diyaa jinakii rahaguzar ke liye
mai.n kabase jaag rahaa huu.N bas ek sahar ke liye

ye iltijaa hai ki ab umr mukhtasar karade
mai.n jisakii raat naa dekhuu.N vohii sahar karade
ilaahii kya ye shab-e-Gam hai umr bhar ke liye
mai.n kabase jaag rahaa huu.N bas ek sahar ke liye