jaag aur dekh zaraa aalam-e-viiraa.N meraa
subah ke bhes me.n nikalaa hai gariibaa.N meraa

band aa.Nkhe.n kiye yuu.N jaag rahaa huu.N shab-e-Gam
ki unhe.n aaye nazar Kvab-e-pareshaa.N meraa

muddato.n kuu-e-vafaa aaye ki but_khaano.n se
uud ban ban ke jalaa hai dil-e-sozaa.N meraa

tumhe.n kyo.n madd-e-nazar ab hai Karaabii is kii
tum to kahate the ki ghar hai dil-e-i.nsaa.N meraa

pa.D ga_ii kis kii nigaah-e-mutabassam 'siimaab'
ho gayaa harf-e-Galat daftar-e-isayaa.N meraa