jab ham chale.n to saath hamaaraa saayaa bhii na de
jab tum chalo zamii.n chale aasmaa.n chale
jab ham ruke.n to saath ruke sham-e-bekasii
jab tum ruko bahaar ruke chaa.Ndanii ruke
ye ha.Nsataa huaa phuul, ye mahakaa huaa gulashan
ye ra.Ng aur nuur me.n Duube hue raahe.n
ye phuulo.n kaa ras piike machalate hue bha.nvare
mai.n duu.N bhii to kyaa duu.N ai shokh nazaaro.n
le de ke mere paas kuchh aa.Nsuu hai.n, kuchh aahe.n
o aasmaa.n-vaale kabhii to nigaah kar -2
ab tak ye zulm sahate rahe Kaamoshii se ham
ta.ng aa chuke hai.n kashamaakash-e-zi.ndagii se ham
Thukaraa na de jahaa.N ko kahii.n be-dilii se ham
maayuusii-e-mak-e-muhabbat na puuchhiye
apano.n se pesh aaiye, hai.n be-gaa.ngegii se ham
aavaaz: bhaaii, koii khushii kaa giit sunaao
ham Gamazadaa hai.n, laae.n kahaa.N se khushii ke giit
de.nge vohii ho paae.nge is zi.ndagii se ham
Gar kabhii mile zi.ndagii ko itteffaaq se
puuchhe.nge apanaa haal, terii bebasii se ham
ubhare.nge ek baar abhii dil ke valavale
maanaa ke dab gae hai.n Gam-e-zi.ndagii se ham
lo aaj hamane to.D di_aa rishtaa-e-ummiid
lo ab kabhii Gilaa na kare.nge kisii se ham
|