apane chehare se vo paradaa jo uThaa dete hai.n
ra.ng gulazaar ke phuulo.n kaa u.Daa dete hai.n

maikade unakii nigaaho.n me.n base rahate hai.n
vo jise dekh le.n mastaanaa banaa dete hai.n

bewafaaii se vafaao.n kaa silaa dete hai.n
kaise bedard hai.n, kyaa lete hai.n, kyaa dete hai.n

aise baiThe hai.n ki jaise hame.n dekhaa hii nahii.n
yahii a.ndaaz to diivaanaa banaa dete hai.n

laal-o-gauhar se hasiino.n ko sajaa dete hai.n
qadradaa.N yuu.N hii muhabbat kaa silaa dete hai.n

ishq kyaa hai ye shaha.nshaaho.n se puuchhe koii
husn ko taKht-e-huquumat pe biThaa dete hai.n

aap daulat ke taraazuu me.n dilo.n ko tole.n
ham muhabbat se muhabbat kaa silaa dete hai.n 

jurm-e-ulfat pe hame.n log sazaa dete hai.n
kaise naadaan hai.n, sholo.n ko havaa dete hai.n 

hamase diivaane kahii.n tark-e-vafaa karate hai.n 
jaan jaae ki rahe baat nibhaa dete hai.n 

taKht kyaa chiiz hai aur laal-o-javaahar kyaa hai.n
ishq vaale to Khudaaii bhii luTaa dete hai.n 

hamane dil de bhii diyaa, ahad-e-vafaa le bhii liyaa
aap ab shauq se de le.n jo sazaa dete hai.n