(merii nigaah ne kyaa kaam laajawaab kiyaa)-2
unhii.n ko laakho.n hasiino.n me intaKwaab kiyaa

(wo aa_e ghar me bahaar aake ruk ga_ii jaise)-2
fizaa me phuul ki Daalii sii jhuk ga_ii jaise
(kuchh is adaa se kisii shoK ne hijaab kiyaa)-2
merii nigaah ne kyaa

wo zulf-e-naaz khulii khul ke kuchh Dhalak sii ga_ii
sitaare TuuT pa.De chaa.Ndanii chhalak sii ga_ii
jo mai.nne cheharaa-e-jaanaa ko benaqaab kiyaa
merii nigaah ne kyaa kaam laajawaab kiyaa
merii nigaah ne kyaa

(ye mere giit me.n jo ra.ng hai nazaakat hai)-2
ye sab usii nigaah-e-naaz kii inaayat hai
ke mujhase zarre ko chamakaa ke aafataab kiyaa
merii nigaah ne kyaa ...