(aramaa.N machal rahe hai.n dil-e-beqaraar me.n)-2
abake baras bhii aap na aa_e bahaar me.n

(apano.n ko Gair Gair ko apanaa samajh liyaa)-2
kyaa kyaa fareb khaa_e tere aitabaar me.n

(taqadiir kaa hai na dosh na unakii ko_ii Kataa)-2
dil hii nahii.n rahaa hai meraa iKtiyaar me.n

(zaalim qadam sa.nbhaal ke rakhanaa Kudaa gawaah)-2
sajade bichhe hu_e hai.n terii rahaguzaar me.n
aramaa.N machal rahe hai.n dil-e-beqaraar me.n