## Asha version ##

zahar detaa hai mujhe koii davaa detaa hai
jo bhii milataa hai mere Gam ko ba.Dhaa detaa hai

kyo.n sulagatii hai.n mere dil me.n puraanii yaade.n
kaun bujhate hue sholo.n ko hawaa detaa hai

haal ha.Ns-ha.Nsake bulaataa hai kabhii baa.Nho.n me.n
kabhii maazii mujhe ro-roke sadaa detaa hai

## Bhupinder version ##

zahar detaa hai mujhe koii davaa detaa hai
jo bhii milataa hai mere Gam ko ba.Dhaa detaa hai

kisii hamadam kaa sar-e-shaam judaa ho jaanaa
nii.nd jalatii huii.n aa.Nkho.n se u.Daa detaa hai

vaqt hii dard ke kaa.NTo.n pe sulaa_e dil ko
vaqt hii dard kaa ahasaas miTaa detaa hai

pyaas itanii hai merii ruuh kii gaharaaii me.n
ashk girataa hai to daaman ko jalaa detaa hai