mujhape ilzaam-e-bewafaaii hai
ai muhabbat terii duhaaii hai
mujhape ilzaam-e-bewafaaii hai ...

usane Thaanii hai zulm Dhaane kii
mujh me.n himmat hai Gam uThaane kii
Kush ho, ai dil!  tujhe miTaane kii, miTaane kii
aaj usane qasam to khaaii hai
ai muhabbat terii duhaaii hai
mujhape ilzaam-e-bewafaaii hai ...

tuu huaa dil se kab judaa kah de
mujhase kyuu.N ho gayaa Kafaa kah de
tuu hii i.nsaaf se zaraa kah de, zaraa kah de
kisane shart-e-wafaa bhulaaii hai
ai muhabbat terii duhaaii hai
mujhape ilzaam-ebewafaaii hai ...

hai gawaaraa teraa sitam mujh ko
har jafaa hai terii karam mujh ko
jaan jaae, nahii.n hai Gam mujh ko
jab muhabbat pe baat aaii hai
ai muhabbat terii duhaaii hai
mujhape ilzaam-e-bewafaaii hai ...