(o dhiire se gagarii utaar re
meraa dhul dhul jaaye si.ngaar)-2
o dhiire se gagarii utaar

(chhal chhal chhalake merii gagariyaa
nainan barase dhaar re)-2
jyuu.N jyuu.N bhiige re merii bhiinii chunariyaa
tyuu.N tyuu.N baa.Dhe bhaar re
meraa dhul dhul jaaye si.ngaar
o dhiire se gagarii utaar

ban me.n bolii kaalii koyaliyaa
man me.n machii hai pukaar
tan me.n lagii re mere birahaa kii agiyaa
jal gayaa sab gulazaar re
meraa dhul dhul jaaye si.ngaar
o dhiire se gagarii utaar

(parbat pe mere pii kii nagariyaa
naihar nadiyaa paar re)-2
praaNo.n se bhaarii mere sir kii gagariyaa
jaanaa hai kos hazaar re
meraa dhul dhul jaaye si.ngaar
o dhiire se gagarii utaar