alam par alam, sitam par sitam
ham uThaa_e hu_e hai.n
zamaane kii garadish ke piise hu_e hai.n
muqaddar ke hatho.n miTaa_e hu_e hai.n
alam par alam, sitam par sitam
ham uThaa_e hu_e hai.n

na hamadam hai ko_ii na damsaaz ko_ii
na hamdaard ko_ii na hamraaz ko_ii
faqat saath hai ik musiibat hamaare
kaleje se us ko lagaa_e hu_e hai.n
alam par alam, sitam par sitam
ham uThaa_e hu_e hai.n

hai qisamat jo ulaTii, samajh bhii hai ulaTii
nigaah bhii hai ulaTii har ik baat ulaTii
nazar aatii hai dushamanii dostii me.n
jahaa.n bhar ko dushaman banaa_e hu_e hai.n
alam par alam, sitam par sitam
ham uThaae hu_e hai.n