mere haal par bebasii ro rahii hai
zahe zindagii, zindagii ro rahii hai

ajab  haal  me.n hai merii zindagaanii
ki Gam ha.Ns rahe hai.n Kushii ro rahii hai

merii aarazuu  bhii  ko_ii aarazuu hai
abhii ha.Ns rahii thii abhii ro rahii hai

ko_ii miT chukaa hai ko_ii miT rahaa hai
magar ronevaalii  abhii ro rahii hai

nahii.n ko_ii duniyaa me.n saathii kisii kaa
chaman ha.Ns rahaa hai kalii ro rahii hai
mere haal par ...