ba.DI naazuk hai ye ma.nzil, muhabbat kaa safar hai
dha.Dak aahistaa se, ai dil!
dha.Dak aahistaa se ai dil, muhabbat kaa safar hai
ba.DI naazuk hai ye ma.nzil ...

koI sun le na ye qissaa, bahut Dar lagataa hai - 2
magar Darane se kyaa haasil?
magar Darane se kyaa haasil: muhabbat kaa safar hai!
ba.DI naazuk hai ...

bataanaa bhI nahii.n aasaa.N, chhupaanaa bhI kaThin hai -2 
Kudaayaa! kis qadar mushkil
Kudaayaa! kis qadar mushkil muhabbat kaa safar hai
ba.DI naazuk hai ...

ujaale dil ke phaile hai.n, chale aao na jaanam
chale aao na jaanam
bahut hI pyaar ke qaabil muhabbat kaa safar hai
ba.DI naazuk hai ...

ba.DI naazuk hai ye ma.nzil, muhabbat kaa safar hai
dha.Dak aahistaa se, ai dil! ai dil, ai dil
muhabbat kaa safar hai
ba.Dii naazuk hai ye ma.nzil ...