adharaM madhuraM vadanaM madhuraM nayanaM madhuraM hasitaM madhuraM .
hRRidayaM madhuraM gamanaM madhuraM madhuraadhipaterakhilaM madhuraM ..

vachanaM madhuraM charitaM madhuraM vasanaM madhuraM valitaM madhuraM .
chalitaM madhuraM bhramitaM madhuraM madhuraadhipaterakhilaM madhuraM ..

veNurmadhuro reNurmadhuraH paaNirmadhuraH paadau madhurau .
nRRityaM madhuraM sakhyaM madhuraM madhuraadhipaterakhilaM madhuraM ..

giitaM madhuraM piitaM madhuraM bhuktaM madhuraM suptaM madhuraM .
ruupaM madhuraM tilakaM madhuraM madhuraadhipaterakhilaM madhuraM ..

karaNaM madhuraM taraNaM madhuraM haraNaM madhuraM smaraNaM madhuraM .
vamitaM madhuraM shamitaM madhuraM madhuraadhipaterakhilaM madhuraM ..

gu.njaa madhuraa maalaa madhuraa yamunaa madhuraa viichii madhuraa .
salilaM madhuraM kamalaM madhuraM madhuraadhipaterakhilaM madhuraM ..

gopii madhuraa liilaa madhuraa yuktaM madhuraM muktaM madhuraM .
dRRiShTaM madhuraM shiShTaM madhuraM madhuraadhipaterakhilaM madhuraM ..

gopaa madhuraa gaawo madhuraa yaShTirmadhuraa sRRiShTirmadhuraa .
dalitaM madhuraM phalitaM madhuraM madhuraadhipaterakhilaM madhuraM ..