ek hii baat zamaane kii kitaabo.n me.n nahii.n
jo Gam-e-dost me nashaa hai sharaabo.n me.n nahii.n

husn kii bhiik na maa.Nge.nge na jalawo.n kii kabhii
ham faqiiro.n se milo khul ke hijaabo.n me.n nahii.n

har jagah phirate hai.n aawaaraa Kayaalo.n kii tarah
ye alag baat hai ham aapake Kwaabo.n me.n nahii.n

na Dubo saaGar-o-miinaa me.n ye Gam ai 'faaqir'
ke maqaam inakaa dilo.n me.n hai sharaabo.n me.n nahii.n